Biyernes na naman. Yey!
Ang pinakaiintay kong araw. Hehe. Obvious ba? Dahil kinabukasan, maglalaba ako, magluluto ng tanghalian, maglilinis ng kwarto at mag update ng buhay buhay sa likod ng tabing na ito. Nakakatuwang balikan na minsan kong pinangarap ang ganitong buhay. Nagpapasalamat dahil nagkaroon din ng katuparan.
Ang nakalipas na limang taon ng buhay ko ang isa sa pinaka-vonggang pangyayari. Ang dami na nagbago at natutunan. Kung lilingon ako sa nakaraan, nakitang kong masalimuot ang pinagdaanan namin. Pero nagpapasalamat ako dahil sa paglalakad ko sa daan na ito..meron akong kahawak kamay. Nagpapakeso lang.
Bawat hakbang, bawat yapak, basa man o tuyo, may tae man o wala..ahaha..masayang balikan at alalahanin.
Sa umagang ito, ang bawat hininga ng buhay ko ay muli kong iniaalay sa Iyo. Alam kong nagiging pilya ako, salamat sa paminsan minsang pagbatok at nagigising ako sa tunay na layunin ko sa mundo.
Hay. Napakagandang umaga sa inyong lahat. :)
No comments:
Post a Comment